गगन थापा

आयोगका सिफारिसहरू जस्ताको तस्तै कार्यान्वयन गर्छौं। प्रहरी संस्थागत सुधारमा हामी थप विस्तृत काम गर्दैछौँ।

अत्याधुनिक निगरानी प्रणाली मार्फत इन्साइडर ट्रेडिङ रोक्छौँ। 'लगानीकर्ता संरक्षण कोष' र धितोपत्र बोर्डलाई पूर्ण स्वायत्त बनाउने छौँ।

कांग्रेस 'प्रो-प्राइभेट, प्रो-ग्रोथ' हो, राज्य 'रेगुलेटर' र 'ग्यारेन्टर' रहन्छ। हामी ग्लोबल अर्डरको फेरबदललाई आर्थिक लाभमा बदल्नेछौँ।

६ महिनामा खेलकुद ऐन परिमार्जन गरी उद्योगमा बदल्छौँ। खेलकुद परिषद पुनर्संरचना गर्दै एन्टिडोपिङ (Anti-Doping) ऐन ल्याउनेछौँ।

किसानबाट बजारसम्मको तह घटाउन नयाँ कानुन बनाउँदै छौँ, जसमा स्थानीय सरकारलाई प्रमुख जिम्मेवारी दिइनेछ।

अख्तियार प्रभावकारी बनाउने र 'नीतिगत निर्णय' लाई पनि अख्तियारको दायरामा ल्याउने हाम्रो मुख्य योजना हो।

सार्वजनिक खरिदमा 'समय' को पनि प्रतिस्पर्धा गराउँछौँ। ९०% पूर्वतयारी (Site clearance) नभई ठेक्का नदिने कानुन ल्याउँदैछौँ।

यी तथ्यहरू सर्वोच्च अदालतकै फैसलामा उल्लेख छन्। सर्वोच्चको वेबसाइटमा बिना धितो ऋण र चेकमा हस्ताक्षर भएका स्पष्ट तथ्य हेर्न सक्नुहुन्छ।

संविधानमा शिक्षा-स्वास्थ्य मौलिक हक मेरै पहलमा बन्यो। मन्त्री हुँदा कामको मानक बसालेँ। अघिल्लो कार्यकालमै दलको नेता भएको भए आज देशले यो अवस्था भोग्नु पर्दैनथ्यो।

म मौन थिइनँ। भाद्र ८ को संसद भिडियो हेर्नुस्, तत्कालीन प्रधानमन्त्रीलाई 'देश दुर्घटनामा जाँदैछ' भनेकै थिएँ। पार्टी बैठकमा नसुनिएपछि संसदमा बोलेको हुँ।